الثلاثاء، 25 مارس 2014

كلمات و مصطلحات و امثال دارجة بيافا باللهجة اليافاوية: اعداد فريق المطبخ اليافاوي بتصرف و زيادات


 الله يسهل – الله شاهد – الله سامع – كله على الله
مشبص تشبيص: يعني ضعيف ممكن ان يتفكك في أي لحظة

اضبص، لقيته ضابص في الفراش

خلي أملك بالله كبير

 حد الله ما بيني وبينك

 على الحرام انه ....

 اللي مكتوب ما منه مهروب

 اللي خلق البلا خلق الطب والدوا

 إذا بدك تضرب اوجع واذا بدك اتطعمي اشبع

 كول من إيد شبعانة وجاعت ... ولا توكل من إيد جوعانة وشبعت

 عمر أعطيني وبالبحر أرميني

اللي اله عمر ما بتهينه شده

كل طلعة قبالها نزلة وكل نزلة قبالها طلعة

 حمارتك العرجة بتغنيك عن سؤال اللئيم

 طول عمرك يا زبيبة

 البيوت عامرة بأصحابها مش بعفشها ولا بحيطانها

 خبي قرشك الأبيض ليومك الأسود

 دارك على شط البحر

 اللي بدو يعمل جمال بدو يوسع باب داره

أعلى ما بخيلك إركبه

 حبل الكذب قصير

 اعمص وبتجعمص

 طنجرة ولقت غطاها

 اللي بخاف من القرد بطلع له

 اللي ما بخاف ما بخوف

 اللي مش كارو يا نارو

 اللي بدُق الباب بسمع الجواب

 اللي عنده عشي ما بزفر ايديه

 اللي ما فيه خير بأهله ما في خير بحدا

 اللي ما إلو خير في أهله ما إلو خير في الناس

 اللي بشوف مصيبة غيره بتهون عليه مصيبته

 اللي بطلع من داره بنقل مقداره

 اللي بدلل على بضاعته بتبور

 اللي بشوفك بعين شوفو بعينتين

 اللي ببلاش كتر منه

 اللي بوكل على ضرسه بنفع نفسه

 اللي بوكل خبز بالدين ارحموهُ واللي بوكل لحمة بالدين أرجموهُ

 اللي بنام فيه بصبح فيه

 اللي ايده في النار مش زي اللي ايده في الماي

 اللي من ايده الله يزيده

 اللي على راسه بطحة بحسس عليها

 اللي بتقدمه باليمين بتوخدوه بالشمال

 اللي في بيت أهله على مهله

 اللي عند اهله على مهله

 اللي بيته من أزاز ما برمي الناس بحجار

 اللي مش عاجبه يبلط البحر

 اعمل منيح وكب في البحر

 اعمل خير وارمي في البحر اللي ما بتلاقيه من العباد بلاقيه رب العباد

 عصفور بالإيد ولا عشرة على السجرة

 صيط الغنى ولا صيط الفقر

 اضرب عصفورين بحجر

 ربنا ببعت الولد وببعت رزقه معه

  قاضي الأولاد شنق حاله

  اكبر منك بيوم أفهم منك بسنة

 انا واخوي على ابن عمي وانا وابن عمي على الغريب

 الشهر اللي ما إلكاش فيه ما تعد أيامه

الكيل اللي ما الك فيه لا تجضر كيله بتغبر دقنك و بتتعب فشيله

 ما بحسد المال إلا اصحابه

 كل واحد بنام على الجنب اللي بريحه

 لا تنام بين القبور  و لا تحلم احلام عاطلة

 على أد لحافك مد رجليك

 مش كُل مرة بتسلم الجرة

 أسأل مجرب ولا تسأل طبيب

  مجنون بحكي وعاقل بسمع

 إذا كان حبيبك عسل ما تحلسوش كله

 ضرب الحبيب زبيب وحجارته قطين

 راح الكتير وما بقى الا القليل

 امشي بجنازة ولا تمشي بزواجة

 العتب على النظر

 أضرب الضعيف بخاف الأوي

 جبتك يا عبد المعين تعين لاقيتك يا عبد المعين بدك تنعان

 علمناهم على الشحادة سبقونا على الأبواب

 لو لا كي يا جارتي لفقعت مرارتي

 وجع ساعة ولا كل ساعة

 كُترة الإيمة (القيمة) بتقل الواجب

 كُتر السلام بيئل المئام

من شاف احبابه نسي اصحابه

 العين ما بتعلى على الحاجب

 كرمال عين بتكرم مرج عيون

 لو شاف الجمل حردبتوه لوقع وانكسرت رقبته

 ان عشقت اعشق قمر وان سرقت اسرق جمل

 اذا وقع الجمل بتكتر سكاكينه

 الباب بوسع جمل

 الديك الفصيح من البيضة بصيح

 ضربة المعلم بألف وغلطة الشيخ بمليون

 الغايب عذره معه

 بغرق بشبر ماي

 الدفا عفا

 غالي والطلب رخيص

 زيادة الخير خيرين

 كول فول وارجع للأصول

ان غاب عنك الضاني عليك بالحمصاني

 لقمة هنية بتكفي مية

 المصارين في البطن بتتعارك

 بدك توكل عنب والا تخانق الناطور

 دود الخل منو وفيه

 دود المش منه وفيه

 انقعه واشرب مايته

 صام صام و افطرعلى بصلة

 بدوه فت عدس

 اصبر على العدس بستوي

 طعمي التم تستحي العين

 ما جود الا من الموجود

 عصافير بطنه بتزائي

 كول على ذوقك وإلبس على ذوق الناس

كول اللي بنفسك و البس اللي يليق للماس

 افطر واتمخطر واتغدى وتمدى وتعشى وتمشى

 صافي يالبن حليب يا قشطة

 طلوع القرع ونزول البتنجان

 خلي العسل بجراره ليجي أسعاره

  متل علي الزيبق

 ما لقوش يتعشوا جابوا الفجل وادشوا

 جوزك على ما تعوديه وابنك على ما تربيه

 خود الأصيلة ونام عالحصيرة

 حط ابنك بكمك ولا تأمن عليه إمك

 طب الجرة على تمها بتطلع البنت لأمها

جدو البنات من صدور العمات

 طلطميس ما بعرف الجمعة من الخميس

 من بره هالله هالله ومن جوا يعلم الله

 من بره رخام ومن جوا سخام

 الحكي إلك يا جارة والسمع الك يا كنة

 يا ما خد القرد على ماله بروح المال وببقى القرد على حاله

 عشمني بالحلق خزقت داني

 الدم ما بصير ماي

 الظفر ما بطلع من اللحم

 النبي وصى على سابع جار

 حبيبك ببلع الك الزلط وعدوك بوقف لك على الغلط

 يا حسرة من وين السعادة بدها تيجيني لا بشتغل ولا جوزي بعطيني

 أجت الحزينة تفرح ما لقتش مطرح

 تيتي تيتي زي ما رحتي زي ما جيتي

 رجعت حليمة لعادتها القديمة

 قرعة بتتباهي بشعر بنت أختها

 إيش تعمل الماشطة بالوجه العكر

 لا أكلة منيحة ولا نومة مستريحة

 لما يعطي بدهش ولما يوخد بفتش

 بعطي القرعة وام كُباش وما بتروح إلا على بنات الناس

 فتح عينك توكل ملبن

 إجاك الموت يا تارك الصلاة

 رَبينا لله وعتقنا لله

 دلع ابنك برضيك ودلع بنتك بتخزيك

 قلبي على ولدي وقلب ولدي على الحجر

 على قلبه صدا ما بحب حدا

 دافنينو سوا

 ابن البط عوام

 متل الخاتم بالأصبع

 وجهه ما بضحك للرغيف السُخن

 على عينك يا تاجر

 خدوهم بالصوت ليغلبوكم

 العين بصيرة والإيد قصيرة

 إجا يكحلها عماها

 بايعها بقشرة بصلة

  يا داخل بين البصلة وقشرتها ما بنوبك غير صنتها

 السكافي حافي والحايك عريان

 لبس البوصة بتصير عروسة

 يا رايح كتر منايح أو

 يا رايح كتر أبايح : قبايح

 حط العدس وانفخ تحته ما أعطل من الخال إلا ابن اخته

 فخار يكسر بعضه

  الضربة اللي ما بتكسرك بتقويك

 كل ما دق الكوز بالجرة قوم يا فلان اطلع برة

 ان كبر ابنك خاويه

 جبل على جبل ما بلتقي وبني آدم على بني آدم بلتقي

 ارضينا في البين والبين ما رضي فينا

 طوله طول النخلة وعقله عقل السخلة

 كل طويل هبيل

  عمل السبعة وذمتها

 طلع من المُولد بلا حمص

 متل البس أكال نكار

 شو اللي صبرك على المر .. قال: اللي أمر منه

 ضربني وبكى وسبقني واشتكى

 يا ما جاب الغراب لأمه

 يا ما من تحت السواهي دواهي

 القرد في عين امه غزال

 جاجة حفرت على راسها نفرت

 بدها تعرف البيضة مين باضها والجاجة مين جابها

  دان من طين ودان من عجين

 ديل الكلب اعوج لو انحط بميت قالب

 بعمل من الحبة قبة

 الواحد بتعلم من كيسه

 طلع منها متل الشعرة من العجين

 واحد حامل دقنه والتاني تعبان فيها

 أكل ومرعى وقلة صنعة

 غاب القط العب يا فار

 كلمة ورد غطاها

 اعطي الخبز للخباز حتى لو اكل نصه

 بدك إياها كلمة بت وإللا عشرة لت

 بقتل القتيل وبمشي بجنازته

 ما إله ضربة لازم

 شحات وبشارط

 بخطفها من تم السبع

 حظه بفلق الصخر

 لا تزم ولا تشكر الا بعد سنة وستشهر

 آخر العنقود سكر معقود

 الكلمة الحلوة طالعة والعاطلة طالعة

 امشي دُغري بحتار عدوك فيه

ابن الحرام لا تزقه بيوقع لحالو

 دق الحديدة وهي حامية

 يا طـُخُو يا إكسر مخُـه

 التكرار بعلم الحمار

 التكرار بعلم الشطار

 خود من التل بختل

 إلعب بالمقصص ليجييك الطيار

 الهريبة تُلتين المراجل

 صوته ملعلع للسما

 العيار اللي ما بصيب بدوش

 دور على الجار قبل الدار

 الجنة بدون ناس ما بتنداس

 القديمة تحلى ولو كانت وحلة

 هين قرشك ولا تهين نفسك

بقرش كرفس و لا بزلك يا نفس

 معيش أحلق

 باب النجار مخلع

 قالوله : أديش إلك بالقصر قال: مبيرح العصر

 أكتر من القرد الله ما سخط

 حاطة نقرها من نقره

 بصلته محروقة

 المركب اللي الها ريسيين بتغرق

 جاي من آخر مٌا عمر الله

 فرفطت روحي الله يفرفط روحه

 وين دانك يا جحا

 بقولو له تور بقلهم احلبوه

 جلدهُ متمسح

 الأسى ما بنتسى

 حامل السلم بالعرض

 لا شغلة ولا عملة الا دخُانه بعمي

 الله لا يرده

 متل الأطرش بالزفة

 سعيد النصبة

 داير يتصرمح بالشوارع

 دايرة على حل شعرها

 عقلك براسك بتعرف خلاصك

 قاعدة زي الباهشة

 لا صلاته مقبولة ولا ..... مغسولة

 المال السايب بعلم على السرقة

 الدبان الأزرق ما بعرف طريقه

! هية حفيظة السودا اللوقا بتتشبه فيكي .. والا بدرية الحولة البولة احسن منك

 بنت الحماة متل عود القرفة بتسد عن الحماة والسلفة

 التم المتعوس على خايب الرجا

 جوزك بحبك غنية وجيرانك بحبوكي سخية وأهلك بحبوكي متهنية

 انا وانت والزمن طويل

 القرايب عقارب

 كل بيت اله بلوعة

 عيلة متل قاع الكيلة

 قمحة والا شعيرة

 وجهه بقطع الخميرة من البيت

 الفاضي بعمل قاضي

 وين رايح .. على طلوزة

 يا طالب الرزق القليل عليك بنابلس والخليل

 اقرأ المكتوب من عنوانه

 المكتوب ببان من عنوانه

 إيش طبخت العمشة زوجها بتعشى

 سودا يا قهوة والقلب ما يهوا

 حية من تحت تبن

 ضربوا الأعور على عينه .. قالهم ماهي خربانة خربانة !!!

قدها قد الفارة وحسها ممللي الحارة

 اجو يحدو الخيل مد الفار إجره

 شبعة من بعد جوعة

 إذا الأكل في بلاش بطنك مش ببلاش

 ما حدا بحكي عن زيته عكر

 دخول الحمام مش متل طلوعه

 الكف ما بقابل مخرز

 الكترة غلبت الشجاعة

 الخنفسة شافت ابنها على الحيط قالت لولو ملضوم بخيط

 مركب الضراير مشت ومركب السلفات غرقت

 على بال مين يللي بترقصي بالعتمة

 متل اللي رقصت على السلم لا اللي فوق شافوها ولا اللي تحت سمعوها

 البس تعجب مرتك ولبس مرتك بقابلوها على السلالم

 إحنا أولاد المنشية حمالين الشبرية

 من وين من المنشية ؟ من عند الماسورة

 كلامه متل العسل

 قال له: كلامك دُرر وجواهر!!! قاله: قوم نلقط

 اللي بنسى أسية أصحابه يا ما اكتر احبابه

 كيف إلك قلب

 بعد الهنا بسنة

 ما بتنبل في تمُه فولة

 طآء حنك (طقاق حنك) متل النسوان

 نقال حكي متل النسوان

 إيد واحدة ما بتزقف

 حب العواجيز طعمه لذيذ

 راح الفلاح على المدينة استحلا الدبس والطحينة

 صار للخرا مرة ويحلف عليها بالطلاق

 البلد اللي ما بعرفوك فيها شمر واخرا فيها

 اللي مش متعود على البخور طيزه بتحرقو

 يا رايح بدون عزيمة يا قليل القيمة

 راح بستين داهية توخدوه

 شو بفهم الحمير بأكل الزنجبيل

 خلي الشمطلي يطلي

 اللي ضرب ضرب واللي سرق هرب

 يا ابو شليلي أخليلي

 من الزنار ونازل

 لا نافع لا بخل ولا بخردل

 يا ما احلى يوم الجمعة ولو على فانوس وشمعة

 احترنا من فين نبوسك يا قرعة

 ما في اشي ببلاش إلا العمى والطراش

 البيض ما بنقلى بضراط

 اللي بصحى فيه بمسى فيه

 إجت الحزينة تفرح ما لقت مطرح

 ما بعبي عينه غير حبة رمل

 عين الحسود ما بتسود

 بتوديه على البحر وبترجعه عطشان

 على هامان يا فرعون

 اللي بقطع رزقي بقطع راسه

 على قلبه متل العسل

 امل ابليس في الجنة

 اللي اوله شرط آخره نور

 متل اللي بصب الزيت على النار

 كاسر ايده وشاحت عليها

 ايش جاب طظ لمرحبا

 بسرق الكحل من العين

 بوس الأيادي ضحك على اللحى

 من دقنه وافتلو

 بكرة بنقعد على الحيطة وبنسمع الزيطة

 زيطة وزمبليطة

 يا خبر اليوم بفلوس بكرة ببلاش

 ما تستعجل على رزقك

 تُلتين الولد لخاله

 مخول

 الولد تلتينه لخاله والبنت لعمتها

 طلع من نقرة وقع بجورة

 العينة بينة

 ما بشخ عأصبع مجروح

 يا بيتي يا بطباطي

 يا بتروبني .. يا بتطلقني .. كانت روبين مصيف لأهل يافا وكانت النساء لرغبتها الشديدة بالذهاب الى المصيف تقول لزوجها هذه المقولة اذا كان رافض الطلعة لأسباب متنوعة

 هجين وقع بسل تين

 اللي ما بطول العنب بقول عنه حصرم

 نشروا عرضه على حبل الغسيل

 الحركة بركة

مين سرى باع و اشترى

 اللي ما بعرفك بجهلك

 اجريها عوج وبدها بابوج

 لما يجي الصبي بنصلي على النبي

 الغربة كربة وهم للركبة

 راخي له الحبل

 كلنا في الهوا سوا

 خروف ... لا بهش ولا بنش

 لبس الأبيض أحمر واتفرج عليه ولبس الأسمر أحمر وأضحك عليه

 بضرط من طيز واسعة

 متل النمس بتمسكن ليتمكن

  متل القطط بسبع ارواح

 متل لزقة الكوكس او متل اللزقة الأمريكية

 لو كان في خير ما رماه الطير

 مطرح ما يسري يمري

 شد شد قربت الرملة عا اللد

 طناش يا قلبي لا تحزن

 على راسه ريشة

 متل اللي بنفخ بقربة مخزوقة

 قال له: شالوم .. رد عليه: يشلم عقلك اليوم

 بيت الضيق بوسع ميت صديق

 الغني مش ابو جيبة عمرانه .. الغني هو غني النفس

 نص العمى ولا العمى كُله

 شدة وتزول

 اضحك تضحك لك الدنيا

 خيرا تعمل شرا تلقى

 صبري على نفسي ولا صبر الناس علي

 طول البال بهد جبال

 كل تأخيرة فيها خيرة

قوم قامت قيامتك

للي بدو يعمل ما بحكي

قال يابا شرفني قال له لما يموت اللي بعرفني

سبع صنايع و البخت ضايع

كل ما كبرت زغرت

عينه زايغة

عينه بيضا

 الصيت ولا الغني

 سكتنالو دخل بخرجه وحماره

 فرجيها العين الحمرا

 الي ديته مصاري ادعس عليه

 الله ما شافوه بالعقل عرفوه

 حاميها حراميها

 المسامح كريم

 لحم كتافه من خيرك

 ابعد عن الشر وغني له

 ما حدا بسلم من شره

 اللي خلف ما مات

 ما في عتاب الا بين الأحباب

 الغرقان بتعلق بقشة

 ورجينا عرض كتافك

 طلع منها زي الشعرة من العجينة

 اللي بتطلع لفوق بتعب

 اللي بيجي من الله حياه الله

 لا تشكي لي لأشكي لك

 لا بعجبه العجب ولا الصيام برجب

 كلمة بتوديه وكلمة بتجيبه

ابو نجيب ودي جيب

 أصابعك بايدك مش زي بعض

 برخي دانه كتير

 متل الليرة العثمانلي

 اذا ما شالتك الارض بنشيلك بعيونا

 يقطع الخل على الخردل وعلى بياع المخلل

 اعمى وبلضم خرز

 الف عدو برا الدار ولا عدو جوا الدار

 اظهر وبان عليك الآمان

 سمعته زي البرلنت

 نوم الظالم عبادة

 بموت الطبال وايده بتلعب

 لما تشوف حلمة دانك

 مطرح ما خري شنقوه

 اسعى يا عبد و انا اسعى معك

 اضرب خالك يعدك

 اللي برشك بالمية رشه بالدم

 حط راسك بين هالروس وقول يا قطاع الروس

 ما بوقع الا الشاطر

 العشرة ما بتهون الا على اولاد الحرام

 انصح الحمار بعاديك

 متعلق في حبال الهوى

 ان طول لسان المرة اقطعه

 الطمع فرق ما جمع

 الضنا غالي

 اخطب لبنتك قبل ما تخطب لأبنك

 اللي ما بوخد من ملته بموت بعلته

 جارك القريب ولا أخوك البعيد

 الباب اللي بجيك منه ريح سده واستريح

 المنحوس منحوس ولو حطوا على راسه فنوس

 سرك في بير

 دوام الحال من المحال

 العز للرز والبرغل شنق حاله

 الأم بتلم

 هم البنات للمات

 عمرك ما تعطي سرك لمرة

 العقل زينه واللي بلاه حزينة

 اللي قلبه على حبيبه بدور عليه وبجيبه

 الله يهني سعيد بسعيدة

 طاسة وضايعة

 اكلها لحمة ورماها عضمة

 في كل عرس إله قرص

 بدو عرس يرقص فيه

 متل البزيق .. زنخ ودمه تقيل

 وشو حلو علينا

 علم في المتبلم بصبح ناسي

 ابن الحارة بفهمها بالإشارة

 من زيته قلي لوه

 ورجيته نجوم الليل في عز الظهر

 مال الحرام ما بدوم

 الصراحة راحة

بمسح جوخ

بعد ما شاب ودوه الكتاب

يا ما في الحبس مظاليم

آلة الظالمين (البوليس)

تغدى فيه قبل ما يتعشى فيك

انت بتفصل وانا بقيس

آوامر .. ما يؤمر عليك ظالم

اذا بدك تنصح اخوك انصحه بينك وبينه

خلي اللي بالقلب بالقلب

ما بحك جلدك الا ظفرك

 اللي بستر على الناس الله بستر عليه

 ما بجي من الغرب اشي بسر القلب

 معاهم معاهم عليهم عليهم

 ما نفعني القرد لينفعني ابنه

 اللي معه قرش بسوى قرش

 طلع من خرجه

 خود الأصيل والتف بالحرير

 اذا مرتك طلبت بامية جيبلها منوخية

 مجنون رمى بالبير حجر 100 عاقل ما طلعوه

 مالوش بالطيب نصيب

 شوفيني يا اما (لوصف من يتفاخر ويتباهى بأعماله من اجل الشهرة)

شممه هوا

منا وفينا

ما حدا بوخد منها معه اشي على القبر

 ما حدا بخودها بالساهل

بحلف انه الله ما خلقه

بنت بتحل عن المشنأة (المشنقة) : كناية عن جمال البنت

 عمرك ما تخلي مرتك تعرف سرك ولا اديش معك فلوس ولا مين صحابك

 البي (قلبي) من الحامض لاوي

جايب زيط و معيط و نطاط الحيط (كل من هب ودب)

ليش هو ابن بيرو؟ (للدلالة على الغنى)

ليش هو قصر ابو الهدى و للا قصر شبيب؟ (كناية عن ضخامة البناء)

ليش هو غسيل ابو الهدى؟

يللي بتزكي حالك ببكي

يارب سيدي يقولي قومي اسقيني

انا عارفة ليش سيدي باعني؟..زهق مني و للا عاز دراهمي؟

يارب يغيب الرجال و نحط القصرية جنب الطبلية و نعيش العيشه الهنية

متلو متايل

أرعة بتحفف مجنونة

بعدك عن الناس اشرف لك و ابقى لك. ينصان عليك عرضك و يتوفر عليك مالك

يا وردي عليها يافا

هات البتاتوكة و الحقني ع الفلوكة

يقفل صدره البعيد

الدم يبقبق من حلقه

شو  امبو: لماذا باستنكار


 كلمات ومصطلحات يافاوية

___________________

أولاد الميتة : هكذا كان اهل يافا يصفون اليهود

 بصاوية يا منوخية : نسبة الى الملوخية التي كانت تزرع في البصة في يافا قديما

 سلامااات : تحية يافاوية

 شيتي : ومعناها ملكي

 يا خوي : تقال للأصدقاء من الرجال

 همشريتي : يعني اصحابي

 يشؤ : بمعنى يزور .. رحُت مبيرح شئيت على اختي ومنها شئشأ (زيارة من حين لآخر)

حزيط و جزيطة: مسكين قليل البخت

برطوشة: الحذاء او الكندرة القديمة

الششمة: المرحاض العربي ايضا بيت المي و المستراح

يفقد: (يتفقد و يساعد ماديا)

انقشر: ابعد عنا

  شو نابك : يعني إيش إجاك من اللي جنيته

 إم كمُونة : المرأة البخيلة

 إم إئويئ (ام قويق) : المرأة النحيلة الجسم

 إم شكُوردُوم : المرأة القوية اللي قد حالها

 نفسه شبعانة : اي عزيز النفس

 نفسه طيبة : اي في عمل الأكل نفسه كريمة

 حطه بعبه : اقنعه بكلامه واستماله لصالحه

 يا أرض احفظي ما عليكي : في التغزل بالبنات

 يا كلاميستو هزي وسطو : في التغزل بالبنات

متل الجميزة : في وصف المرأة الناصحة

 شأ اللفت (شق اللفت) : شديد البياض

 بتتاتوكة : معناها الجاكيت القصير تبع البحارة ( هات البتاتوكة والحقني على الفلوكة)

شروال : سروال واسع ومزموم

 قشاط : حزام

  بابوج : صندل

 النأبة : غطاء للرأس لونه أبيض للنساء

 الترواك : الجلباب وهو ثوب نسائي فوق الركبة بقليل

 الكاب : لباس للخروج للنساء مع غطاء الوجه

 القزيطة : الجريدة

 جنجي : الأبيضاني اللون ابو شعر أحمر

 جودل او سجلون : معناه الصوفا اللي ما إلها ظهر

 دوشك : الكنباية الخشب اللي عليها فرشة  وظهر خشب

 سكملة : الطاولة الأصغر من الطرابيزة

 طبلية : طاولة للطعام بدون كراسي جلستها على الأرض

بنور : بلور يطلق على كاسات من الزجاج الرقيق اللامع

حرام : بطانية – لحاف

 شرشف : غطاء السرير

 تخت : سرير

كونيا: سرير معدني صغير منخفض هزاز للاطفال

  شكلة : وردة

 الماشطة : هي المرأة التي تزين العروس

 المتكة : صحن سيجارة لتك السجائر

كوبانية : يعني شركة 

 بابور : باخرة

 فلوكة : مركب نقل او مركب صيد

 حسكة : لوح خشب للتزلج على الماء

الجرم و الجرومة: مركب نقل كبير

 سبيطار : مشفى او مستشفى

 فرمشية : صيدلية

 تك : الحنطور اللي بجره الحصان

 أطونبيل : سيارة

 بيارة (بيارات) : بستان برتقال

 بياري : الشخص اللي بشرف على بيارة البرتقال او بستان البرتقال

 بردآن : برتقال

 الحوش : مكان تجميع البرتقال في البيارة بعد قطفه بسلال مبطنة بقماش حتى لا يُخدش

 البابكة (المشغل) : مكان تجميع البرتقال مسقوف بالقرميد او لاحقا الزينكو وفيه يتم تعبئة البرتقال بالسحارات بعد فرزه ولفه للحفاظ عليه

 الإستيفادور : وهو الذي يرتب البرتقال في الصناديق بعد ان يكون اللفيف قد لف ثمرة البرتقال بورقة ناعمة مطبوع عليها عادة "الماركة" حيث كان لكل تاجر ماركة أو علامة تجارية أو أكثر يعرف بها

كرم (كروم) : مزرعة او حقل عنب وهي اصغر مساحة من البيارة

دالية : شجرة عنب متدلية وحاملة

سجرة : شجرة

المُـونة : اي طعام مخزن - مُونة الشتاء اي طعام يُخزن لفصل الشتاء

 وكانت مونة الشتاء مكونة من جميع انواع الأطعمة الضرورية كالفاكهة والخضار والأعشاب المجففة لتستخدمها في غير موسمها متل الملوخية والنعناع والمرامية والزعتر بأنواعه وباقي الأعشاب العطرية والبامية والبندورة وشطة الفلفل الأحمر والمخللات والتمر والفريكة وزيت الزيتون والزيتون وتحفظ اللحم المقطع والمطهي ومحفوظ في اواني فخارية يسمى "فريم" لإستخدامه في الطبخ في حال عدم توفر اللحم الطازج وايضا الأسماك المملحة والمحفوظة كالفسيخ والرنجة

 سحارة (جمعها سحارات) اي صحارة : صندوق خشبي لتعبئة البرتقال والفاكهة والبندورة

السيرج : هو زيت السمسم العائم فوق الطحينة القديمة

منُوُخية : ملوخية

 أمبوطة : زهرة – قرنبيط

سلفوح : سمكة من فصيلة سمك القرش تعيش في بحر يافا

 لحمة هبرة نيفة : لحمة صافية من الدهنة

 أبان (قبان) : ميزان

 شلمونة : مصاصة للسوائل

 نؤل (نقل) : بمعنى مكسرات

 نأرشة (نقرشة) : بمعنى التسلية على المكسرات وغيرها

  آزان : برميل ماء معدني متوسط

 كفكيرة : معلقة كبيرة من معالق المطبخ

 إطعطر : بمعنى تعثر بالمشي

إرمح : أركض

 مطعوج : اي ملتوي

 هلأ : الآن

 بُكرة : غدا

 مبيرح : بالأمس

 ساروخ : صاروخ

  أدوم (قدوم) : مطرقة حادة الطرف للنقش في الخشب والحجر

 جوزي : زوجي

 مرتي : زوجتي

 فِز إوم : انهض وتنشط للعمل

 شطحة : رحلة او مشورا

كز: اضغط عليه باسنانك

نايط او نايطة: كسلان فاشل

رطرط: تافه

اكزم: كول قطعة، اكزم شقفة

يا ورشكين: يا حسرة

متجسطن: جالس بغير محله



 كلمات يافاوية منوعة

_______________

اضحك بعبك

 يا خوي

 يا فرحتي

 آه وييييها .... زغاريد الأعراس في الأعراس

 يــا ورشكيــن

حزيط او حزيطة (قليل ابخت)

برطوشة

ششمة

التش

 بعيد عنكم

 فالها على حالها

 من غير شيئ

 خوي : تقال عند الإستنكار والإستهجان

 هدا

 هداك

 هادي

 بُكرة

 بعدهُ

 وجهه بشوش

 شوووووووو

 شووو يعني

 يا حسرة عليكي

 يفضح حريشك

 يا ورديييييييييي

 يا ورديييييييييي عليكي

 يــــــــــــــــــــو  ياعابيشوم عليك

 يـــــو نقطة

 نقطة تأمعك

 نقطة تحط علي النافع فيك

 بنقطة تجمدك

 قوم قامت عليك حيطة

 قطيعة تقطع هالشغلة

 يسم بدنك

 يغص بالك

يقفل صدرك

 تجيك موجة

 بلا اللي يبليك

 ما أتأل دمك

 طز فيك

 بلاش نكد

 زي الهم على القلب

 مُخه تخيـن

 عقله ناشف

 دمُه زنـخ

 خفية اللي تخفيك

 عُزارئيل اللي يوخدك

 عأب

 ابو راس

 زأطك

 همل

 سقط

 لطخ

 دُؤماء

 زُمبعرة

 مخلوع

 دابة

 أطرم

 أرعن \ رعنة

 مقرن

 دهُل

 تنبل

 لطخ

 لوح

 مألعط

 مفنكش

 هلس

 عرص

 معرص

 سخطة

 مسخوط \ مسخوطة

 رغاية – من كتر ما بحكي متل البالع راديو

 متل بوز الإخس

 ألعاط يألعطك

 أرفــان

 أرف يأرفك

 متل طيز الضبع

 نايطة

 مايصة

 حيطة مايلة

 شرشير \ شرشيرة

 مشرشح

 مبهدل عكس مرتب

 عدوات عليك : بمعنى ما اهبلك

 فولة ومقسومة

 دم دم دمين تلاته

 نعامة ترفصه

 الله لا يئيمه


 أعداد فريق المطبخ اليافاوي بتصرف و زيادة

هناك تعليق واحد:

  1. نقطة تقمعك وتلمعك

    هيكد = هيك

    يغص باله

    الله يقفل صدره

    شفنا لعفنا

    ردحذف